Dina sabtu eng wanci injing
Suasana tasih katon remeng
Kang tambah kluruk pitik kang gayeng
Katon siswa SMP kang nggrengseng
Wanci sekolah wiwiti pasinaon
Katah siswa kang sami pitakon
sabtu enjing kanggo lingkungan mawon
Kerjabakti resik pasinaon
Namung tekat saiyeg saeka kapti
Yambut gawe barang kanti senengen ati
Tansah sehat kang diupadi
Lingkungan sekolah kang tetep asri
Puisi Bahasa Jawa tentang Guru
Guru Dalan Uripku
Ora ngira, ora ngipi
Gusti nggawe lakuku saiki
Dadi abdining bumi pertiwi
Nggawe landhep pikiring para siwining negri
Kudu bisa digugu lan ditiru
Digugu pocapanku
Ditiru tumindaku
Supaya ora nggawe nacad jeneng guru
Nadyan kala-kala abang kuping iki
Merga tumindaking siwi
Daktampa kanthi lilaning ati
Aja nganti sepi ing kawruh
Aja pisan-pisan pikire landhep dengkul
Cancut taliwanda
Adus kringet aku lila
Adol swara lan ngelmu kanggo majuning negara
Paling Sabar
Nalika mbiyen aku sekolah, ana guru paling sabar
Yen aku salah ora nesu apa maneh mara tangan
Nanging pitutur apik seng metu agawe aku sadar
Guruku sing paling sabar
Nadyan aku dudu putrane, nanging guruku panggah nresnani
Nadyan aku dudu anake, nanging guruku panggah tlaten
Guruku sing paling sabar
Panjenengan paring wanti-wanti marang aku
Kanggo urip bisa mulya lan mukti
Aku mung bisa nyuwun marang Pangeran
Muga panjenengan terus sehat lan diparingi kesabaran
Muga panjenengan tansah pinaringan kebahagiaan
Puisi Bahasa Jawa tentang Alam
Esuk-Esuk
Esuk…
Esuk iki
Gini, gimah, lan giman
Bar sarapan nyeruput wedang
Maring sawah ora ngitung wayah
Tumandang ngawe buruh tani maring Bu Khadijah
Mantun lan ndamel gubuk, tunggu manuk
Rawa Pening
Ngadeg jejeg ing tepine rawa
Suwara endah angin krungu ana tainganku
Mecah kasunyinan desa tepi rawa
Angin kang sumilir
Ana ing antarane godong-godong
Srenge abang branang
Soko kulon katon nyenengake
Nganti tibaning langit penteng
Angin ing kampungku sore iki
Paru-prau nelayan satya nunggoni tekane
Diombang-ambingke ombak rawa
Prau nelayan golek iwak ing padange rembulan
Prau katon katiup angin
Nanging nelayan kuwi nora wedi
Amergo angin ombak dadi kancane saben dina
Petenge wengi kang wus sepi nyenyet
Mbulan katon mlaku soko ngetan ke ngolon
Padhang bulan madhangi pelataran
Litang-litan katon gumebyar
Kang ora kepetung driji
Mandengi jagat kang wus sepi
Contoh Puisi Bahasa Jawa Singkat
Crita Marang Aku
Senajan ora mesthi bisa mungkasi
Lilakna aku andum donyamu
Kang kebak dening kaendahan
Sing durung kasunyatan
Aku duwekmu wengi iki
Iki ragaku
Iki sukmaku
Aku lila disiksa
Nganti ora ana sisa
Apike Alam
Ati sing lara dadi waras
Yen ndeleng apike alam iki
Pikiran sing lesu dadi tuntas
Ndeleng ciptan sing Kuasa
Matur syukur marang Gusti
Sing wis nyiptake bumi iki
Lan saisine
Kita kudu ngrawat alam iki
Marang dunya kang luwih apik
Tresna
Tresna kuwi sepele
Tresna kuwi ya kowe karo aku
Tresnamu kaya surya
Nanging ya kaya samudra
Tresnamu bisa nekakake mega
Nanging saiki tresnamu kaya dahana
Awit aku mbok tinggalna
Langit data peteng
Ora ana candra apa maneh kartika
Atiku kaya bawana sing lemahe nela-nela
Maruta, kandhakna yen aku isih tresna
Contoh Puisi Bahasa Jawa Geguritan
Kanggo Kanca
Biyen, tanganmu genggem tanganku
Biyen, pundakmu enek kanggo aku nangis
Biyen, guyumu nentremke atiku
Nanging saiki….Tangan, pundak, guyumu ilang saka uripku
Kanca-kancaku kabeh, bayangna
Apa sajatining kahanan sajroning dunya
Yen ora ana welas lan asih
Ora ana uga kekancanan tanpa pamrih
Ing sakjroning manah atiku
Aku ngrasakna kepengin ngamuk wektu iku
Kanca lan kancaku
Elinga rasa atiku iki
Jaganen rasaning welas asih iki
Gusti
Gusti…
Dalem namung tiyang kang lemah
Kang boten saged mlampah piyambak
Gusti…
Dalem namung tiyang ingkang gampil gripil
Tansah kegoda kesenengan donya
Gusti…
Hamung siji panyuwunku
Tuntun dalem wonten ing margi kang padhang gusti
Duh Gusti…
Puisi Bahasa Jawa Singkat
Korupsi
Abang putih ngadek duwur ing langit pertiwi
Wujud getih lan balung para pahlawan
Apa kowe pada eling?
Miline luh lan kringet kang pada kebacut tumbal
Tumbal kanggo kemerdekaan
Saiki apa malah kowe ngapusi, kowe korupsi
Pikiranmu amba kebak arta
Raimu wes ra duwe isin
Dijak rembug malah angler
Rakyatmu pada kuru, malah kowe lemu
Rakyatmu pada mlarat, malah duitmu sak arat-arat
Mulane, sing pada makmur sapa?
Ora liyo neh yaiku kowe lan kanca-kancamu
Sing pada tumindak ala ing rakyatmu
Mula, ayo pada bareng-bareng brantas opo iku korupsi
Supaya pada mbangun bangsa lan Negara Indonesia ingkang sumringah
Bangsa lan Negara kang apik budi lan pinutur
Bangsa lan Negara kang sejahtera lan makmur
Begal
Begal…
Kowe pinter golek akal
Sapa wonge bakal didadekake kowe tumbal
Kowe, begal utege uwis koyo kadhal
Yen kowe kecekel tak dulangen sandal!
Begal…
Kelakuane luwih nglarani
Kowe nggawa pitul nembak wong nganti mati
Kudune begal kuwi dibrantas ana ing ngendi-endi
Ketemu, ngrampas lan ditembak mati
Kelakuane begal saiki wes kebangeten
Kerep anane gawe korban
Donya iki brana asil rampokan
Hukume haram yen dipangan
Ingkang bakal nimpa siksa ono ing nraka jahanam
Segara Aru
Bener lan yekti
Ananging sliramu dadi seksi
Marang para pahlawan sejati
Ingkang mulih aran awit bekti
Ingkang mangku awit jejibahan
Marang tugas ingkang luhur lan jujuring palagan
Ingkang ngemban amanat ayahan
Segara aru kang biru lugu blak-blakan
Ingkang ngemu madu
Marang madune bangsa satuhu
Kang Asma Yos Sudarso yaiku
Korban kang ono ing Segara Aru
Saking ludira ingkang wekasan
Ingkang kanggo nebus Irian
Yos Sudarso salah sijining kang gugur kalayan
Lan asma ingkang wis misuwur ing bebrayan
***
Semoga artikel ini bermanfaat untuk kamu ya, Property People.
Simak terus informasi menarik lainnya di Berita.99.co.
Cek juga update-nya di Google News Berita 99.co Indonesia.
Jika kamu sedang mencari rumah di sekitar Bandung, bisa jadi Dago Village adalah pilihan yang ideal.
Cek selengkapnya di www.99.co/id dan rumah123.com, karena kami selalu #AdaBuatKamu.
Artikel ini bersumber dari berita.99.co.
